I no be antenna but dey feel your transmission
See as you sabi my vision, like e be your television
You've made it your core mission and you no ask for commission
You be all my hotspur needs; please be my wifey
.
.
You follow push my motto like sey e be your motor
You support me like catapult wey don pot me to the front
Na me dey shine for front because you dey my back
My baby wey dey back me with wetin sure pass shawl
.
Without you life be like purse wey no get money to pay
Without you life be like pause; na you be the autoplay
Na me and you dey play pass; yet I no fit use you play
I fit carry play for head but no go carry you play
.
Nobody be like you my padi; shebi na you be my buddy
If I get mumu button, na only you fit to press am
I be the man wey you woo, and that makes you my woman
Cover you like a wrapper based on sey you be my woman
.
For all the padis wey I get, na you be my bestie
For all the blessings wey I get, na you be the best thing
So when I count my blessings, I count you more than once
The way I count on you; there's no end to this count
0 Comments